ក្រសួងវប្បធម៌ និងវិចិត្រសិល្បៈបានរៀបចំសន្និបាតរយៈពេល២ថ្ងៃ ស្តីអំពី សន្និបាតបូកសរុបការងារវប្បធម៌និងវិចិត្រសិល្បៈឆ្នាំ២០២១​ និងលើកទិសដៅការងារសម្រាប់ឆ្នាំ២០២២ ក្រោមអធិបតីភាពរបស់លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ​  ចាប់ពីថ្ងៃពុធ ៨ កើត ដល់ថ្ងៃព្រហស្បត៍ ៩កើត​ ខែមាឃ ឆ្នាំឆ្លូវ ត្រីស័ក ព.ស.២៥៦៥ ក្នុងទីតាំងសាលសន្និសីទចតុមុខ។ សន្និបាតបូកសរុបការងារគឺមានចំណុចសំខាន់ៗដូចជា៖ ការបើកសន្និបាត ដោយ​​ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្តសិល្បៈ របាយការណ៍សង្ខេបលទ្ធផលការងារវប្បធម៌និងវិចិត្រសិល្បៈ២០២១ ទិសដៅការងារវប្បធម៍និងវិចិត្រសិល្បៈសម្រាប់២០២០ ពិធីបំពាក់គ្រឿងឥស្សរិយយសជូនមន្ត្រីរាជការ…

គណៈកម្មាធិការជាតិបេតិកភណ្ឌពិលោក បានទទួលកិច្ចការសំខាន់មួយពីក្រសួងវប្បធម៌ និងវិចិត្រសិល្បៈអោយដឹកនាំក្រុមការងាររៀបចំឯកសារទាក់ទងនឹងប្រាសាទបន្ទាយឆ្មារ ដើម្បីត្រៀមស្នើសុំទៅអង្គការយូណេស្កូចុះប្រាសាទនេះចូលជាសម្បត្តិវប្បធម៌ពិភពលោកនាពេលអនាគត។ ដូច្នេះ ចាប់ពីថ្ងៃទី១៩ដល់ថ្ងៃទី២៣ ខែតុលា ឆ្នាំ២០២០ ប្រធានគណៈកម្មាធិការជាតិបេតិកភណ្ឌពិភពលោក បានដឹកនាំក្រុមការងារចុះបំពេញបេសកកម្មទៅខេត្តបន្ទាយមានជ័យដើម្បីជួបប្រាស្រ័យការងារជាមួយមន្ទីរចំនួន៨ដែលក្នុងនោះរួមមាន៖ មន្ទីរវប្បធម៌ និងវិចិត្រសិល្បៈ, មន្ទីរទេសចរណ៍, មន្ទីរអភិវឌ្ឍន៍ជនបទ, មន្ទីររៀបចំដែនដី នគរូបនីយកម្ម និងសំណង់, មន្ទីរសាធារណការ និងដឹកជញ្ជូន, មន្ទីរធនធានទឹក និងឧតុនិយម, មន្ទីររ៉ែ និងថាមពល និងមន្ទីរ បរិស្ថាននៃខេត្តបន្ទាយមានជ័យ។ ការជួបប្រាស្រ័យទាក់ទងជាមួយមន្ទីរជំនាញទាំងប៉ុន្មានខាងលើគឺក្នុងបំណងប្រមូលព័ត៌មាន និងទិន្នន័យសំខាន់ៗទាក់ទងនឹងផែនការគ្រប់គ្រង និងអភិវឌ្ឍន៍តំបន់ប្រាសាទបន្ទាយឆ្មារ សម្រាប់ការរៀបចំឯកសារគ្រប់គ្រងបេតិកភណ្ឌវប្បធម៌នៅតំបន់ប្រាសាទបន្ទាយឆ្មារ និងតំបន់ជុំវិញ…

លោកជំទាវ ភឿង សកុណា ចូលរួមសន្និបាតលើកទី៤៣ នៃគណ:កម្មាធិការបេតិកភណ្ឌពិភពលោក លោកជំទាវ​ ភឿង​ សកុណា​ រដ្ឋមន្រ្តីក្រសួងវប្បធម៌ និងវិចិត្រសិល្បៈ​ បានដឹកនាំគណៈប្រតិភូអញ្ជេីញចូលរួមក្នុងសន្និបាត លេីកទី៤៣​ នៃគណៈកម្មាធិការបេតិកភណ្ឌពិភពលោក​ របស់អង្គការ​យូណេស្កូ​ ដែលប្រារព្ធ​ធ្វេីចាប់ពីថ្ងៃទី៣០​ ខែមិថុនា​ ដល់ថ្ងៃទី១០​ ខែកក្កដា​ ឆ្នាំ២០១៩​ នៅទីក្រុង Baku​ ប្រទេស​ Azerbaijan​ ។ ក្នុងអង្គសន្និបាតនេះ ក៏មានកិច្ចប្រជុំពិនិត្យវាយតម្លៃលើរបាយការណ៍របស់ប្រទេសកម្ពុជា​ ស្តីអំពីវឌ្ឍនភាពនៃការអភិរក្ស​ និងអភិវឌ្ឍន៍ប្រាសាទសំបូរព្រៃគុក​ ដែលត្រូវបានដាក់បញ្ចូលនៅក្នុងបញ្ជីសម្បត្តិបេតិកភណ្ឌពិភពលោក កាលពីថ្ងៃទី០៨…

កិច្ចប្រជុំផ្ទៃក្នុងស្តីពីគម្រោងចំណូល-ចំណាយថវិកា​ប្រចាំឆ្នាំ២០២១ ក្រោមអធិបតីភាព​ លោកជំទាវបណ្ឌិតសភាចារ្យ​ភឿង​ សកុណា​ រដ្ឋមន្រ្តីក្រសួងវប្បធម៌​ និងវិចិត្រសិល្បៈ​ នាព្រឹកថ្ងៃសុក្រ​ ១០កេីត​ ខែភទ្របទ​ ឆ្នាំជូត​ ទោស័ក​ ព.ស​ ២៥៦៤​ ត្រូវ​ នឹងថ្ងៃទី២៨​ ខែសីហា​ ឆ្នាំ២០២០​ នៅទីស្តីការក្រសួង​៕

កាលពីថ្ងៃចន្ទ ៤កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែកញ្ញា ឆ្នាំ២០២០ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីនៃក្រសួងវប្បធម៌ និងវិចិត្រសិល្បៈ បានដឹកនាំកិច្ចប្រជុំលើកទី៤នៅទីស្នាក់ការក្រសួងវប្បធម៌ និងវិចិត្រសិល្បៈ។ កិច្ចប្រជុំនេះស្តីអំពី ការពិនិត្យ និងតាមដានវឌ្ឍនភាពនៃការរៀបចំចងក្រងឯកសារអំពីប្រាសាទបន្ទាយឆ្មារដើម្បីសុំទៅអង្គការUNESCOចុះប្រាសាទនេះទៅក្នុងបញ្ជីសម្បត្តិបេតិកភណ្ឌពិភពលោក។ សមាសភាពចូលរួមមានមកពីគណៈកម្មាធិការជាតិបេតិកភណ្ឌពិភពលោក, គណៈកម្មការជាតិUNESCO, អាជ្ញាធរជាតិសម្បូរព្រៃគុក, អាជ្ញាធរជាតិអប្សរា និងអគ្គនាយកដ្ឋានបេតិកភណ្ឌនៃក្រសួងវប្បធម៌ និងវិចិត្រសិល្បៈ និងថ្នាក់ដឹកនាំក្រសួងមួយចំនួនទៀត។

ពិ​ធី​បិទ​សន្និ​បាត​បូក​សរុប​ការ​ងារ​វប្ប​ធម៌​និង​វិចិត្រ​សិល្ប: ឆ្នាំ​២០១៥ និង​លើក​ទិស​ដៅ​ការ​ងារ ឆ្នាំ​២០១៦ របស់​ក្រ​សួង​វប្ប​ធម៌និងវិចិត្រសិល្ប: ក្រោម​អធិ​បតី​ភាព ឯក​ឧត្តម វ៉ា គឹមហុង ទេស​រដ្ឋ​មន្ត្រី​ទទួល​បន្ទុក​បេសក​កម្មពិ​សេស និង​ជា​ប្រធាន​គណ:​កម្មការ​កិច្ច​ការ​ព្រំ​ដែន តំ​ណាង ឯក​ឧត្តម​បណ្ឌិត​សភា​ចារ្យ សុខ អាន ឧប​នាយ​ករដ្ឋ​មន្ត្រី រដ្ឋ​មន្ត្រី​ទទួល​បន្ទុក​ទី​ស្តី​ការ​គណ:​រដ្ឋ​មន្ត្រី និង​តំ​ណាង​ដ៏​ខ្ពង់​ខ្ពស់ សម្តេច​អគ្គមហា​សេនា​បតីតេជោ ហ៊ុន សែន នាយក​រដ្ឋ​មន្ត្រី​នៃព្រះរាជា​ណា​ចក្រ​កម្ពុជា កាល​ពី​ព្រឹក​ថ្ងៃ​ទី១៤ ខែ​មករា ឆ្នាំ​២០១៦ នៅ​សាល​សន្និសីទ​ចតុម្មុខ រាជ​ធានី​ភ្នំ​ពេញ។