រាជរដ្ឋាភិបាលកម្ពុជាកំពុងព្យាយាមយ៉ាងសកម្ម ដើម្បីបង្កើនការ​​ចូលរួម​របស់​ខ្លួន​ទៅ​ក្នុង​សហ​គមន៍​អន្តរជាតិ​រួមចំណែកក្នុងការថែរក្សា និង​ការ​អភិវឌ្ឍប្រកប​ដោយ​និរន្តភាព​នៃវប្បធម៌ និង​បេតិកភណ្ឌពិភពលោក។ ជាក់​ស្តែង​​​ការ​ចូលរួម​របស់​ព្រះរាជាណាចក្រ​កម្ពុជា​​បាន​កើន​ឡើង កាន់តែខ្លាំង​ក្លាគួរឲ្យកត់​សម្គាល់ ​ក្រោយ​ពីរម​ណីយដ្ឋាន​អង្គរ​ត្រូវ​បាន​ដាក់បញ្ចូល​ទៅក្នុង​បញ្ជី​បេតិកភណ្ឌ​ពិភព​លោក​នៅ​ឆ្នាំ១៩៩២ ជាពិសេស​​គឺ​នា​រយៈ​ពេល​១០ឆ្នាំ​ចុង​ក្រោយ​នេះ ព្រះ​រា​ជាណា​ចក្រ​កម្ពុជា បាន​សម្រេច​​យ៉ាង​​ជោគ​ជ័យ​ក្នុង​ការ​ដាក់​បញ្ចូល ​របាំ​​ព្រះរាជទ្រព្យ​ក្នុង​ឆ្នាំ​២០០៣ ណាំង​​​ស្បែក​ធំក្នុង​ឆ្នាំ២០០៥ និងប្រាសាទ​ព្រះវិហារ​​​ក្នុង​ឆ្នាំ​២០០៨ ទៅ​ក្នុង​បញ្ជី​បេតិកភណ្ឌ​ពិភព​លោក ។​

ព្រះរាជាណាចក្រកម្ពុជា​បាន​ស្នើដាក់បេក្ខភាពជាលើកដំបូងទៅក្នុងគណៈ កម្មា​ធិការ​បេតិក​ ភណ្ឌ​ពិភព​​លោក អាស្រ័យ​ដោយព្រះរាជាណាចក្រកម្ពុជា​ផ្អែកទៅលើ​មូលដ្ឋានជា ​ច្រើន ដែល​មូលដ្ឋាន​ទាំង​នេះ ​ត្រូវ​បាន​ទទួល​ស្គាល់យ៉ាង​ប្រត្យក្សដោយ​បណ្តា​ប្រទេស​ជាមិត្ត​របស់ យើង​ជារួមមាន ភាពសម្បូណ៌​បែបនៃ​បេតិកភណ្ឌ​​ខ្មែរ​នឹង​កេរ្តិ៍​ឈ្មោះ​ដ៏ល្បី​ល្បាញ​​របស់​ខ្លួន​នៅ ជុំវិញពិភពលោក...